Jis raah chal gaye hain, koochey basa diye hain
Jab aa gayee hay josh e rehmat pe unki ankhen
Jalte bujha diye hain, rote hansa diye hain
Ik dil hamara kya hay, aazaar uska kitna
tum ne to chaltey phirtey, murdey jila diye hain
Unke nisar koi kaisey hi ranj mein ho
Jab yaad aa gaye hain, sab gham bhula diye hain
Hum sey faqir bhi ab pheri ko uthte hongey
Ab to Ghani key dar par, bistar jama diye hain
Asra mein guzrey jis dam berey pe qudsiyon key
Hone lagi salaami, parcham jhuka diye hain
Aaney do ya dubo do ab to tumhari jaanib
Kashti tum hi pe chori, langar utha diye hain
Dulha sey itna kehdo pyarey sawari roko
Mushkil mein hain baraati, purkhaar baa diye hain
Allah kya jahannam ab bhi na sard hog a
Ro, ro key Mustafa ne, dariya baha diye hain
Mere Karim sey gar qatra kisi ne maanga
Dariya baha diye hain, durbe baha diye hain
Mulk e sukhan ki shahi tum ko Raza musallam
Jis simt aa gaye ho, sikke bitha diye hain
اُن کی مہک نے دِل کے غُنچے کِھلا دئیے ہیں
جس راہ چل گئے ہیں کُوچے بَسا دیے ہیں
جب آگئی ہیں جوشِ رحمت پہ اُن کی آنکھیں
جلتے بُجھا دیے ہیں روتے ہنسا دیے ہیں
اِک دل ہمارا کیا ہے آزار اس کا کتنا
تم نے تو چلتے پِھرتے مُردے جِلا دیے ہیں
ان کے نثار کوئی کیسے ہی رنج میں ہو
جب یاد آگئے ہیں سب غم بُھلا دیے ہیں
ہم سے فقیر بھی اب پھیری کو اُٹھتے ہوں گے
اب تو غنی کے دَر پر بِستر جما دیے ہیں
اَسرا میں گزرے جس دم بیڑے پہ قُدسیوں کے
ہونے لگی سَلامی پرچَم جھکا دیے ہیں
آنے دو یا ڈُبو دو اب تو تمہاری جانِب
کَشتی تمہیں پہ چھوڑی لنگر اُٹھا دیے ہیں
دُولہا سے اِتنا کہہ دو پیارے سَواری روکو
مشکل میں ہیں براتی پُرخار بادیے ہیں
اللہ کیا جہنّم اب بھی نہ سَرد ہوگا
رو رو کے مصطفیٰ نے دریا بہا دیے ہیں
میرے کریم سے گر قطرہ کِسی نے مانگا
دریا بہا دیے ہیں دُر بے بہا دیے ہیں
مُلکِ سُخَن کی شاہی تم کو رضاؔ مُسلَّم
جس سِمت آ گئے ہو سِکّے بٹھا دیے ہیں
